MONDIAL
"Via fonto de bonaj libroj."



Beletra Almanako - Kiel kontribui?

Aperas en BA materialo speciale verkita por ĝi, sed ankaŭ altkvalitaj tekstoj jam pli frue aperintaj en la reto sed ne surpapere. Ni invitas vin proponi aŭ anonci materialon, propran aŭ aliulan (vidu malsupre niajn regulojn por formatigo de manuskriptaj tekstoj).

BA publikigas tekstojn kun beletra, literatura kvalito, respektante la eventualan diversecon de stiloj kaj lingvaĵoj, krom se temus pri evidentaj lingvaj eraroj. Kiel referencon oni uzu la plej gravajn konsultverkojn: (N)PIV, PAG, PMEG.

GRAVE: Koncerne tradukojn, bonvolu konfirmi la disponeblon de la kopi-rajto.

Kontribuaĵojn oni sendu retpoŝte kiel aldonan dosieron aŭ dokumenton, prefere unikode aŭ x-alfabete, al la NOVA BA-adreso: redaktejo @ gmail.com (Por eviti spamon al nia redaktora teamo, bv. kopii la retadreson kaj forigi la spacojn.) Eldonejoj dezirantaj aperigon de recenzoj de iliaj eldonaĵoj bv. sin turni al la sama ret-adreso.

Ankaŭ ilustristoj kaj desegnistoj bonvenas.
Ĉiujn demandojn koncernantaj la eldonadon kaj dissendon, bv. direkti al:
informo@librejo.com

 

Reguloj por formatigo de manuskriptoj

EN LA KOMENCO: VERKU DU-LINIAN BIOGRAFIETON: via kompleta nomo, profesio, naskiĝ-jaro, kaj publikigitaj verkoj (originalaj aŭ tradukaj) libroforme aperintaj en Esperanto.


Titolo
(litergrando 14, lasu unu linion poste)

La teksto de la kontribuaĵo je litergrando 12.
Litertipo Times New Roman. Skribu x-alfabete aŭ kun unikodaj supersignoj.


PROZO / ESEO:

Alineojn simple kreu tajpante la alinean klavon. Lasu vian tekston flui en la tesktprogramo, ne tro formatigu, krom grasa, kursiva. Evitu substrekojn.

En neniu kazo:
- kreu liberan linion inter alineoj, nek
- permane enŝovu la komencan linion de nova alineo
(La enpaĝigisto devos permane malfari ĉiujn ĉi bonintencajn sed nenecesajn formatigojn. Do – savu al li iom da tempo!)

Se vi volas vidi pli klare viajn alineojn, uzu la aline-formatigan funkcion en via tekstprogramo. (Ekz-e en MS Word, iru al “Formato”, poste “Alineo”, kaj metu ĉiujn spacojn tie.) Aŭtoroj bv. ne rektigi la paĝon je ambaŭ marĝenoj (dekstre kaj maldekstre), sed simple lasu la tekstojn flui. Nepre traserĉu vian tekston je duoblaj interspacetoj, kiuj ofte svarmas en tekstoj – certigu ke en ĉiu kazo estas nur unu spaceto inter vortoj.


POEZIO:

Se temas pri poemo,
nenia problemo.
Sama litergrando.


Sed ĉe poemoj vi povas iomete pli libere uzi permanajn formatigojn, por ke la enpaĝigisto vidu klare kiel la poemo aspektu sur la paĝo.

Post la fino, lasu du liniojn.


Notoj, glosoj ktp: Post la teksto.
© Mondial, 2007