Ĉiuj dioj estas for... Novjorkaj Poemoj.
(de Ulrich Becker)

ISBN: 1595690093 aŭ 9781595690098
104 paĝoj; grando: 0.25" x 8.5" x 5.5"

La plurfoja laŭreato de Belartaj Konkursoj de UEA, aŭtoro de la originala novelaro "La Aĵoj kaj la Sezonoj" (aperinta en 1996) kaj de germanlingva romano aperinta en 2002 publikigas sian unuan poemaron, verkitan en 2003/2004 en Esperanto.

La poemaro konsistas el tri partoj - 1. Pri la urbo mem, 2. Unu kun vi, 3. Ĉiuj dioj estas for. Ili rakontas pri la vivo en la urbo, pri amo kaj homaj interrilatoj. La poemoj pri Novjorko respegulas la sentojn kaj spertojn de la aŭtoro post lia translokiĝo de Germanio al Usono.

"Mi skribis poemojn, kiel aliaj furzas aŭ vomas, sed subite homoj grupiĝis ĉirkaŭ la poemaro kiel vidvinoj ĉirkaŭ novnaskito, kaj babilis, onidiris, kaj kontrolis. Kvazaŭ devus esti io pli grava en tiuj poemoj ol nura emo poemi, kvazaŭ – denove – la savanto ne naskiĝis. Kaj kvazaŭ nur pro mi ĉiuj devis refali en siajn mizerojn." (UB)