Aĉetu tuj: Se vi ne havas PayPal-konton, vi tamen povas pagi kreditkarte. Post la klako sur la butonon, simple trovu dekstre malsupre la linion "Don't have a PayPal account?" (t.e. "Ĉu vi ne havas PayPal-konton?") kaj ekklaku, por trovi la necesan formularon.
Usonanoj:		aŭ:
Ekster Usono:		aŭ:

Mondliteraturo en Esperanto: La Rabistoj.
(de Friedrich Schiller. Tradukis: L. L. Zamenhof.)

ISBN: 1595690115 aŭ 9781595690111
152 paĝoj; grando: 0.35" x 8.5" x 5.5"

Kun nove aldonita glosareto de Ulrich Becker.

Tiu ĉi Esperanto-klasikaĵo "La Rabistoj" apartenas al la lingva trezoro de la unuaj jaroj de la Esperanto-movado kaj Esperanto-literaturo. Nia eldono de 2004 sekvas la Zamenhofan tekston de 1928 kiu aperis ĉe Esperantista Centra Librejo, Parizo. Friedrich (Frederiko) Schiller (pron.: Ŝiler) (1759-1805) finis tiun ĉi dramon kiam li havis nur 20 jarojn. En la centro de la dramo staras du tre kontraŭaj fratoj: la intriganta kaj potencavida Francisko kaj la aminda sed tro fiera Karolo kiu fariĝas hetmano de bando da rabistoj. La dramo estas plena de rapida agado kaj grandaj emocioj. La neatendita sukceso de “La Rabistoj” instigis la junan Schiller fariĝi verkisto. Inter liaj famaj verkoj estas dramoj kiel “Maria Stuart”, “Don Carlos”, “Wallenstein”, “Wilhelm Tell” kaj multaj poemoj, inter kiuj la “Odo al la Ĝojo”, uzata de Beethoven por lia 9-a simfonio, estas la plej konata.