Aĉetu tuj: Se vi ne havas PayPal-konton, vi tamen povas pagi kreditkarte. Post la klako sur la butonon, simple trovu dekstre malsupre la linion "Don't have a PayPal account?" (t.e. "Ĉu vi ne havas PayPal-konton?") kaj ekklaku, por trovi la necesan formularon.
Usonanoj:		aŭ:
Ekster Usono:		aŭ:

Loĝi en homoj lingvoj: la substancisma perspektivo
de Probal Dasgupta

ISBN: 9781595692146
244 paĝoj; grando: 8.5" x 5.5"

Ne nur vortoj kiel 'tegmento', sed ankaŭ nomoj kiel 'Cecilia' muldas vian manieron loĝi en viaj lingvoj - asertas ĉi tiu monografio vestita kiel prediko rekomendanta, ke la filozofoj uzu Esperanton kiel koncepto-klarigan lingvon. Iujn ideojn el la tradukistiko, la genera lingvistiko kaj la poststrukturisma literatura teorio Probal amuze kunkuiras por surtabligi verdan gulaŝon (nomu ĝin pompe 'ĝisdata manifesto de esperantismo'). La pladojn interpunkcias ĉapitrofinaj babilsesietoj; ankaŭ leganto fremda al la fakaj konoj ĝuos la romanecan rakonton pri la vivo de Cecilia Biswas.

Probal Dasgupta, n. 1953, esperantisto ekde 1967, profesoro en la Barata Statistika Instituto en Kolkata ekde 2006, doktoriĝis en 1980 (genera sintakso, Novjorka Universitato); kunredaktas kun Humphrey Tonkin 'Language Problems and Language Planning' (1990-); redaktis 'International Journal of Mind, Brain and Cognition' (2009-10). Membro de la Akademio de Esperanto (1983-). Honora membro de la Lingvistika Societo de Usono (2004-). Prezidanto de Universala Esperanto-Asocio (2007-13).

Ĵus eklegis la unuan ĉapitron; jam estas klare, ke la teksto montriĝos ne nur analize, sed ankaŭ distre sukcesa.)
Noam Chomsky 

Frape originala kaj profunde pensiga, tiu ĉi libro estas kvazaŭ manifesto por pli intensa konversacio inter diverstradiciaj studkampoj, kaj inter diversaĝaj kaj diverskulturaj homoj. Leginda en iu ajn lingvo, ĝi tamen havas apartan valoron kaj signifon por esperantistoj. Por ni, ĝi estas ne nur leginda, sed fakte prifierinda.
Grant Goodall

La libro de profesoro Dasgupta ofertas al la leganto spirhaltige unikan intelektan aventuron. Dasgupta alfrontas aron da lingvistikaj, lingvofilozofiaj, semiotikaj ktp. temoj laŭ treege malstereotipaj manieroj... La tuton kronas brile krea uzo de la esperanta leksiko – en la manoj de Dasgupta, Esperanto proviĝas kulmine elasta.
Vilmos Benczik

Kie aĉeti ?

• Ĉe Mondial (vidu butonojn supre).
• Ĉe UEA aŭ via kutima libroservo.
• Ĉe amazon.com en Usono (kreditkarto).
• Ĉe amazon.co.uk en Britio (kreditkarto).
• Ĉe amazon.fr en Francio (kreditkarto).
• Ĉe amazon.de en Germanio (kreditkarto).
• Ĉe amazon.co.jp en Japanio (kreditkarto).